ابي اسألك وشهي الخصال اللي تبيها بالمره=عطني ثلاث اخصال تبغيها وركز بالمقال
فكر و قال ان المره يشدني له منظره=والبشره البيضا تكون مركزه واحسن قبال
هذي ثلاث خصال قلته دون ادنى مسخره=وابغاك تذكر لي ثلاثه مثلها يابن الحلال
قلت ابشر برد(ن) سريع مافيه شي اخسره=والناس مختلفه ترى بالذوق مافيها جدال
انا هوى قلبي هنوف الدين دايم يستره=بنت الرجال اللي ينومس فعلهم عند الرجال
ثنتين يكفني ترى والذنب ربي يغفره=وان زدت خصله قلت ابي ثالث خصاله بالجمال