ملح الحياء لا جاك مع خفة الدم = من واحدٍ دايم ونفسه خجوله
يعطيك من عذب الكلام بتلعثم=ويصدق بنبراته ويصدق بقوله
طرف يراعي لك وطرف يسلهم =نظرة تقربها ونظرة جفوله
اليا ندهته ردة القول لك سم = كنك ملكت الكون عرضه وطوله
عن غيرها فرقه كبير وبالكم = رقة وطيبة والحيا ء والحموله
معربة جدين والخال والعم =بنتٍ سعوديه حشى من يطوله
حايل مرابيها وعندي بها علم = من كلمتن دايم ترد و تقوله
يابعد حي والعزاوي بها سلم=متوارثينه من سنين الطفوله