على من يتبع حروف القوافي سقت قافي سقت=اصبّه مـن دلال الكيـف والاحسـاس فنجالـه
معاذ الله مانمـت بسراديـب الفضـول وفقـت=ولا نزلت حرف(ن) من الحروف بغير منزالـه
رفيع المنزله مرفوع لو غرّبـت لـو شرّقـت=يشـب النـار شبابـه يعـز الخيـل خيـالـه
زمان المرحله من كل طالع نبت اكلـت وذقـت=وخذيت من الرحيل ابن بطوطـه كـان رحالـه
وانا مثلي مثل غيري يضيق ومن همومي ضقت=خلـي البـال ياحظـه ولا حاجـه علـى بالـه
يضيع الشوق بعيون الزمن لا مرني واشتقـت=تـذوب الفرحـه بحامـي براكينـه وزلزالـه
تغيّر وقتنا ياسعـود والاّ الوقـت هـوّ الوقـت=او التغيير فينـا والزمـن باقـي علـى حالـه
الاحظ كـل ماعلّقـت فـوق يطيـح ماعلّقـت=والاحـظ بالقلـوب قلـوب مقلوبـه ويرثالـه
والاحظ وجه ابو وجهيـن زاد وجيـه لادققـت=بعيد عن الشبه ماهـو مثـل عمـه ولا خالـه
والاحظ كل ماولّعت شمعـه للضميـر احرقـت=لأن اللـي مطفـي بالظـلام مسوي(ن)هـالـه
تهاويل الظنـون تهيـل لا طالعـت لا برّقـت=وانا ياسعود اساير وقتـي المشحـون بهوالـه