بالصدور قصور مابنيت عريش=بسم شمر كل ابوها مكيّشه
ياهلا والود بالصحبه يطيش= من سما رفحا سحاب ورشرشه
اسمحولي ربع ساعه ماعليش=والمعاني بين جد وفرفشه
الرحا داير وانا فكري جريش= يايليّشني الرحا يا اليّشه
مااستفاد قريش من رحلة قريش= زود مال وبالظلال مخيشه
والعوافي ماملت بطن الغشيش=لو جيوبه بالغناه مريشه
يانعيش بطيب والا مانعيش=مثل مابعض الخبول معيشه
والصبي لامن تحيزم باليعيش=بشر اللي بالمكارم جيشه
وش عاد وان حدالضما تسبد العطيش=والزمن ينظر بعين مغبشه
يوم يتعب بعضهم كسب المعيش=وفيه منهم من تجيه منعنشه
حنا حنا لا استهاشت نستهيش=مايجفلنا صرير وخرفشه
ولا علينا من الصفير ولا الوشيش= لو هبشنا الوقت نرجع نهبشه
ويذب زغروته لالاش ولالليش= غصب عن خشمه لنا او ندحشه
ماشكينا قل او قولة مفيش= ومازرط منا الزمان يطرشه
العن من الموت في ناب الحنيش=كونك لحقران وقتك ملطشه