الكبوس اللي على العالم مطله=مادرت بالشمس يوم ابدت شعقها
علموها تدرق وسط الاظله=ولا تثير. الناس وتثور حمقها
النجوم اللي على العالم تعله=الجدي ياطالت المده. فهقها
والبدر. يابان تختفي. الاهله=جل الشان اللي بتدبيره فرقها
والاصايل ماتميز. بالاجله=كان غوج الكدش بالساحه سبقها
والدلي من. الزغردي. لوتمله=عانقه راع الزنيدي ثم دفقها
والعلوم. اللي تساق بدون ادله=اطبخه بالمي ثم اشرب مرقها
والهجين اللي تحمل بالمذله=سوقها مع. وادي الطولات سقها
خل عنك العوج والهزلات خله=لاتعرض للخطوط ومفتر قها
ترثياب الكبر ملبوسه مذله=والعذى ياخالط الجمه طرقها
من يسجل شهرته وسط المجله=ماتفيده. شهرتن هو مختلقها
لاتزعم موقفن منته لقنله=البحور الهوج لاتامن غرقها
لايشلك جارحن في مخلبنله=كم خر يشن في مخاليبه شلقها
اتخذ ثوب التواضع لك جبله=واحذر اخطار الدروب ونزلقها
ومن دعاك لكبر ياء النفس قله=شمس صدق العقل بينلي شفقها