تِزُوم كبْدِ ي جرْح مِنْ شُوف عِينِي =والقلْب منْ غبْنه تجضّ الحنايا
ياناس ياوين السّعاده ووِينِي؟ =مامنْ سعاده عقْب شُوف الخطايا
دمْع القهر حرّاق ٍ لوجْنتيني =وعضّة شفاهي ترْجمت كلّ دايا
ياوين حبّ ٍ يِدّرِجْ بالوِتِيني؟=لِيت يْتنخّى نايفين السّمايا
حبٍّ حُروف اسْمه سِكنْ مُقْلتِيني =وِطنْ ولاجْله باح ولْد الطّنايا
ليته يِغِزّ لبيرق الفازعيني =والله فلا تبْقى لظالِمْ سِمايا
قبايل ٍ وعْزومها ماتلِيني =إيْ والله انّه وافِيه بالعطايا
تارِدْ حِياض المُوت وِتْرِدّ دِينِي =بافْواج وفْلُول ٍ وكِثْر السّرايا
يالحبّ تكفى جاوبْ السّائلِيني =وارْجوك لاتقصر علينا العطايا