عزاه يا رجلٍ أشوفه مع الناس=يمشي دروبٍ مالها أي يِمّه
من زود همه صايرٍ فيه وسواس=صارت جميع الناس شغله و همّه
يشوف نفسه مثلما الطير قرناس=هو شايفٍ نفسه على رآس قمّه
عنده جميع الناس حساد و أنجاس=متسلطٍ حتى على عيال عمّه
أتعب معه عقله وقلبه و الأحساس=مره يحب الناس ومره يذمّه
وعندي نصيحه خالطه در و ألماس=يصغي لها راع الأمور المهمّه
ماكل فعلٍ تفعله يرفع الراس=بعض الفعول أحيان ترجع مطمّه
وكانك تدوس الناس لا بد تنداس=و تصير بين الناس لاشك رمّه