منتدى نشامى شمر - عرض مشاركة واحدة

21-09-2020

صـادق الفعــل والقـول

صادق الفعل والقول


	انـا صـديقي صادق الفعـل والقـول = وليـا نطــق لـه كـلمــةً يحــــتـرمهـا له منهجً واضح ولاهـوب مجهـول = حـقيــقـتــه عـن كـل شــكً خصـمهـا رجلً عـن البوقـات والغدر مكفول = وزلـة رفيـقـه يـــوم تاتــي هـضـمهـا يصبرعلى عـوجااه لـوجـاه بميول = قـبـيـلةً مــن شــان واحــد حـشــمهـا وليا نخيته صار درعً عـن الهـول = صعـب الشـدايــد عــن رفيـقه لطـمهـا مثل البليهــي يبــرك لكايـد احمول = يصبـرعـلى جــور اللـيـالي والـمــهـا مبـداه واضح مـثلما السيف مسلول = وعـوايـده بالطـيـب كـلــن,فـهــمـها قـــرمً مضيفـــه للمناعيـر مـدهـول = وليـا لــفـاه الضيف قـلــط شـــحـمهـا هــذاك نعـمً به عـلى الطاق مدبـول = وكلـن يشـــيــد ابحضرتـه واحترمها واللي مثل شــرواه بالنعــم مشمول = ومـدحــه يجـي بلسـان سـايـر أمـمها واليوم هــذا النوع نــادر ومقــلول = قـلٌ ؟ الـذي يحفــظ مبـادي اشــيٌمــها ماهو الذي عن ماهرج غير مسئول = بالكــذب كـل الســــالـفه يختـــتـمـها اللي اعـلومه فاضيـه دون محصول = نــوبً يســنعـها ,,ونــوبً وشــمـهـا متــذبـذبً مابيـن واضــح ومجهـول = قـضـاٌ حـياتــه ,,,داجً فـي وهــمـهـا وقت الرخا يعجبــك بلســان معسول = بالهـرج ولاٌ غــيـر نفســك صدمهـا قـلبـه عـن المعروف موصد ومقـفول = مـا يعـترف بالغـانـمه مـن عـدمـها وليا وعـد يخلـف عسى زولـه ايزول = صـرح الصداقه ما بنــــاها هـدمهـا يفـــرح ليامــن جـاله العلــم منقــول = والسـالــفه وان جاتـلـــه مـا كتمـهـا يبثـــها للناس بالعــرض والطــــول = ونـار الفـتـن بيـن الجمــاعه شــعـهـا تلقاه باعــراض المسلميــن مشـغول = نمـام ؟ والغيٌــــاب ياكــل لحـــمـهــا وليا نشــدتـه ينـفي القـــول بالقــول = ذي خـطـته فــي كل مـره رســـمهــا ياتي ابعـــذرً غـيــر مقنــع ومقبــول = ويقســم بـذات اللي امشـيٌـد حـرمهـا بين الضمير الميـت وعيـونـه الحـول = مسـيـلـمـة عصره وماضي قــدمهـا هــذا عسى شــرواه بـالنـار مغـلول = بوّسـط جحيـم يـفوح حــتى رضــمهـا يعـرض مـع الفجٌــار صاغر ومذلول = فـي سـاعـــةً ما فــاد فـيـها ,نـدمـهـا وش ينبغى باللـي عن الطيب مشلول = وبادت اعـضـوده ليــن كلن شـتمهـا ماحــدً يبي طــرياه لــو حـل به قـول = عـفـنن واسالـيب العـرب ما فـهمهــا ابي اختصر والشـرح وان طال مملول = ولاٌ تـــرا,,,,قـولي يغـطـي قـمـمهـا

محمـد بن سـوعان الربيٌـع