يوم الوطـن بـه فرق عـن كل الايام = فـيـه الشـموخ وفـيـه عــزة وطـنـا
ذكرى تعيـد امجـاد مرت بالاعـوام = فـيهـا فـخـرنـا فـــ الليــال وزمـنـّـا
والـرايـه اللي غير عن كل الاعـلام = خـفـاقـــةً تـبــقــا وفـيـهـــا أمـلــنـا
في ظل من هم طبقو شرع الاسلام = حــكـامــنـا ال ســعود فـيـنا ومـنـا
لابة هـل العـوجا صواديم الاخصام = عــز العــرب والـدّيـن مــنـا ومـنـا
ملـوكً لهـم هـيـبه وســطوه وحـكّام = وحـنكـه سـياسـيه وحكـمه و فـنّـا
مبطي لهـم ماهي مـن اليـوم والعام = الاولـــه والثـانـيــه يشـــــــهـدنــا
والثالثه مجـدً نهـض فيـه ضـرغـام = بالسـيف الاجـرب دون شـكً وظنا
شـامت له الاوطان يوم السـعـد قـام =عـبد العـزيـزالمجـد فـيـه اسـتكـنـا
واليـوم سـلمان الفخـر عــزالاسلام = وفي كـل مـوقـف سـيدي ما تـونـا
وولي عـهـده فـالمــلازيـم مقـــداام = واعـني محمـد نفـتخـر فـيـه حــنـا
في ظلهم عشـنا عـزيزيـن واحشـام = وبـالعـدل شـالوا غـبن الايام عـنـا
ريـف الـذي من جور الايـام منظام = والـمبـتــــلي ,,,, يـالله لاتـمـتـحـنـا
وحـنا نجـود اليوم من جـود الاكرام = ومن جـودهـم حتى البعـيـد ايتهـنا
حـكـــام دولـتـنـا للاســــلام خـــدّام = بجـهـودهـم والمـال مـن دون مـنـا
بــوجـوهــم ما همـنـا نبـح الاقـزام = وعــدونــا مــن حـربـهـم يسـتجـنـا
ماهـــزنـا هــرجً تـتـوج بالاوهـــام = وحـنـا عـلى الله نـتـكـل واســتعـنـا
باخـوان نـوره نـفخـرونرفـع الهام = وانـجـدد الـبـيعـه لــ قــادة وطــنــا
يـالله تنـصـرهـم عـلى كــل ظــلاّم = ويبـقـون بالايـــام ,, زبــن المجـنــا