سلام يارجماً هجرته من العام=عن راس مزمومك حدني مقادير
ياما اعتليتك يارجم عدة ايام =وياما على راسك بنيت التصاوير
وياما انتثر دمعي على راسك هيام=وياما شكيت من الهوى والغنادير
وياما براسك للقنص كارب حزام=واصفق بدربيلي ورى وجهت الطير
واليوم جيتك مايشيلني اقدام=رجلي على المطلاع ماتكهم السير
سود الليالي صابت الجسم بسهام=اثارهن بجنوب جسمي مغاوير
اهوم بالوقفه وانا كلي الآآم=وايسر جنوبي طارفاً بالمعاذير
ياما بعيني يارجم ماتت احلام=من هولها كثرت علي التفاكير
وسلام يارجماً فقدني من العام=حنا افترقنا بس// تمسي على خير