انا اشهد شهادة حق ماينقل المعروف=عميلٍ هذا ميزه وعرفه وتقديره
بصير العيون الشهب والمخ مايشوف=سليط السان اللي طوالن جراجيره
حليف النوايا السود والجوهر الزهوف=زهوفً على الاجواد من ضعف تفكيره
يجيب العلوم العوج والطيب عنه يطوف=على كل عذاله غلط ياالله الخيره
عليهم يقلد لعبت الجاهل الملقوف:=تجاهل حقوق الناس بالدين والجيره
يسب الرجال اللي تذري نهار الخوف=وهو ما عرف وش له من اللي على غيره
نصحته وانا ناصح ولاني عنه مكلوف=وعلى كلمتي ياكثر ظلمه وتزويره
ظلمني ردي الراس بالكلمه الجحوف=وانا لو بغيت اشناه بانت خوابيره
تبين العلوم اللي بها رونقٍ مكشوف=يسولف بها القاضي ويفتي نواطيره