أشعل فتيل الشعر ..مـاضي الفعايـل=ذكر حـميد بـل وسـيـره زكيـه
يـشهد لها الـتاريخ طيب المثايـل=ذكر الشيم عـند السلف و الحميـه
ومـن بـعدهم جيلٍ يشيل الثقايـل=صـيارمٍ بـالـكـون تنثر دميـه
متوارثين المـجد .. وزين الخصايـل=وفعالهم للـخير بــيدي خـفيـه
صالوا وجالوا..فـوق قب الأصايـل=المسرجـات بـعـز .. رب الـبريـه
ما يرهبون الموت.. والخوفِ زايـل=وسـيوفهم عـند الـملاقى فتيـه
أهـل المحبه..والـوفاء..والـفضايل=هم صحبةً في الله أيـديٍ قـويـه
هـم صـحبةً والله مـا له بـدايل=مـا حـبهم حبٍ ..لــدنياء دنيـه
في نـصرة للـدين وردع الرذايـل=لا مـارضو في غير هديِّ نـبيـه
وما هي على المعصوم والله جمايل=واجب فِـدآه إخلاص..بأرواح حيـه
واليوم!! دمع العين أصبح همـايـل=ممـا تشوف العين..ويسمع دويـه
وأصيح بعلا الصوت.. و الحزن هايل=نجرع كؤوس الذل صبحُ وعشيـه
دمٍ عـلى شـاشات الإعلام سايـل=تخطيط حـاقـد.. يـا حيات الأذيـه
حـرب على الإسـلام .. ذل وهوايـل=يـا غزو فكري.. يـا قنابل ذكيـه
ومن بعدها يـا شاب .. هَذي رسـايل=أزرع بـذور العز واقـطف جِنِيـه
مـن منبع الـوحيين أصل الـدلايل=ويعـود تـاج المجـد والمقدِرِيـه
وإن غـرد التوحيد نـجمع قـبايل=نـارد حياض الموت في مهمهيـه
وعسى شباب اليوم .. جـيل الحمايل=على خطاء الـهادي وهذي وصيه
يـرجـع زمـان العـز ..والذل زايل=والعـز كــل العـز نـفسً أبيـه