دارت الدنياعلـى البـاغـي ودكّـتـه الـرحـى=يـوم دكّـوه الغلاميـن وسقـوه مـن الـعـذاب
كنت اظنه من حمامات السلام ليا استحى=ليـن ثـار وليـن هـاج وصـار ينعـق كالـغـراب
احرق الارض وطغى بالشعب لاجياله محى=لاحشم سيفه عجوز ولا رحم سيفه شباب
من يبلغ هالهبيل ان هو من الخمره صحـى=أنه اشبه بالجَـرَاد اللـي نطـح ليـل وضبـاب
ناصـروك اهـل العمايـم غامـروا بـك ياجـحـا=همّهـم سنّـه نبـي(ن) بلّـغ ايــات الكـتـاب
غسّـل عقـول الجنـود وعقلهـم عنّـا نـحـى=ودس راسـه كالنعامـه تـحـت ذرات الـتـراب
تايـه الليـل يتوقّـع بـس مـن تــاه الضـحـى=مـن يدلّـه للطـريـق ومــن يدلّـيـه الـصـواب
دكّـت افــواه المـدافـع نــاره الغـايـر بـحـى=هد دور وغاب نور وشـال روح بشـرع غـاب
وسن سكينه على السنه مذبّـح وجرحـى=وآينعت ورده شهاده فوق عطـرات الخضـاب
ودقّت اجراس الجهاد وهَبّ شقـران اللحـى=سطروا للمجد هامه عانقت شم السحـاب
قضعلوا جنده وطاحـوا بيـن قتلـى وطرحـى=وصـاح صيّـاح المدينـه بيـن صكّـات الحـراب
موطنـي ياجنتـي لـو كنـت دوّ(ن) صحصحـا=بك سموم القيض روضه لو سكنّا بالشعـاب
موطني والنصـر قـرّب وانـت تفـداك ذبحـى=كـل ابنـاءك قرابيـن وعـلـى الـشـدّه ذئــاب
دارت الدنيـا ولازال الرحـى نـفـس الـرحـى=دك راس وهد جيش وساق للطاغي عذاب