يادموع القرْية اللي غذّتنْ باوّلْ زِمانِي = معْ جُروح اغلا المِداين يوم تدْعِي دمْع عينِي
ياقهرْ وادي عشِقْته, معْ عنا رُوضٍ عطاني = منْ ترانيم لبلابلْ حِزْنها فضّحْ دِفِينِي
يوم فسّر للذّراع العود واهْتزّ السّنانِي = واِكْتسى ثوب الطّناخه منْ سِمِعْ نخْوة غبِينِي
شايبِي ياشايبِي واطْرقْ بساط ٍ للأمانِي =إكْسِرْ أرْقاب الفِساد ونثّرْ لدمّ الوِتِينِي
فتّلْ اشْنابكْ وقدّمْ خير وارْض لْكلّ طانِي =ولْ أفام ٍ هالِكه تدْعِي إله العالمِينِي
غارتْ عروق المياه ومات زهْر القِحْوِيانِي =والسّنابل ضامِره والوضْع صوّرْه الجِبينِي
في وجُوه ٍ شهْب ترْجِي للدّسمْ يالمودماني =معْ مِذارِعْ ملْحِي ٍ لحْمهْ مِنْ الدّهْر المُشِينِي
يابعد حيّي وهرْجي مايبي لهْ تِرْجمانِي =ياعسى عمْرك طِويل ولا تغرْبِلْك السّنينِي
إمْكِنْ وبِيديك حلّ الوضْع ياسْهِيل اليِمانِي =أرْض دعْوات الأراملْ معْ دُمُوع الجايعِينِي
علّها ترْجحْ بمِيزانِكْ إلى ذِيك الجِنانِي= تِعْتِقكْ يالذيب لامِنْ طوّقُوك الشّاهدِينِي