يامحمد العواد والصبر ممدود=هيضت قلبآ راكدن عقب شده
تحركت دمعة غلا صابه جمود=واسقت خدودي بالوله والموده
من عقب ماقفا عني لين العود=ابو العيون اللي هدبها محده
فاق الشقا فيني مسافات وحدود=وتجاوز القلب المشقى وسده
طيفه تعلق بين الاوهام ووعود=اسرف بهجره وارتكالي بصده
القلب كنه بين الاضلاع مشدود=عرقن يسندبه وعرقن يرده
والروح يجذبها من الجسم بركود=سكرات جرحن كالسكاكين حده
والشوق آه الشوق بالصدر مفرود=يجزل على عوج المحاديب مده
يابن رخيص الحظ عاثر ومقرود=وسنين عمري بالوجع طال جده
الحب دربن بالنهايات مسدود=شوكه تنما بالغلا فوق ورده
ختامها تحيتي يافتى الجود=اقبل مجاراة القمر قبل رده