مني تعجب راعي المال ياسعود=مستقرب المدات من كف خيّر
رزاقنا ما مات لازال موجود=ماينفع الخواف كثر التطيّر
مستقبلي مجهول والعمر محدود=دوم البشر ياسعود ماهو مخيّر
احيان لو جاني من الربع منقود=اسير عن بعض الحكاوي وأسيّر
كم مجلساً مهجور باسباب مقرود=الراس عالي ودرب الاجواد نيّر
والهرج عكسى يصبح الهرج مردود=لاصرت وافي صادقاً لاتذيّر
راع البقر مفلاه مع راعي الذود=موجز طريف ولو قريته صغيّر
لايجذبك دخانهم وأزرق العود=كبيرهم ياسعود كبرت عفيّر
لو فيه نقص بذمتي يستر الجود=كم طاح عنده باللوازم فقيّر
ويش البخيل ان مات لو جمع الفود=بير شياهك ياريش العين بيّر
اذا طلبته قال ماعندنا زود=ماينتخي لو شاف دمعت نويّر
يطير فيالى باالحكي ولف مفرود=عبادت الدينار حبله قصيّر