الله من قلب(ن) تولته الايام=ساقت عليه ظعونها وانزلت فيه
ساقت دبشها في ظميري كذا عام=والهم يسرح في حشاي ومحانيه
لين أستجف القلب من دبك الانعام=وجفت أعدوده وأمحلنا خباريه
وأمست صحاري يابسه مثل الاقلام=والريح تسفي والعجاج أمتقفيه
من عقب ماهو فيضة(ن) مرتع اريام=اليوم خالي ما تونس مفاليه
تستاحش أعيوني وانا خاطري زام=وكل ما نظرته مزنة العين تسقيه
ولا هو كرم تبكي عيوني وتنظام=لكن سبايب عجه اللي أمغطيه