عزيزةً حولت من راعي الدله=من راس هقوة خليوي كنز حشمتها
صميدعاً مايسف الدمع ويهله=لكن طواري براس الحر جابتها
عزيزةً كنها من عين عبدالله=مليكنا يوم هلت من مخافتها
ما) حد دمعة خليوي موقف الذله=لاوالله الا طبخ راسه وفاضتها
دمعة زعامه حشيمة طبع وجبله=من عين حراً تهز الخصم نظرتها
شيخ الكرم والمراجل راعي الحله=اللي على الدرب فاتح باب ربعتها
شيخ الوفا ويش اعد من الوفاء كلّه=قولة نعم كاسب المطنوخ سمعتها
عزيز بعيال عماً مابهم خله=شجرة وفاء بارك الله سر نبتتها
ناصر جمله المطيع ومكتمل دله=زملاً افجوج الخرايم تحت خطوتها
جملة حراراً تضف الريش وتفله=شقراً تروج السما وتعود وكرتها
فديت طلق الحجاج وناظره كله=وفديت عين الاصيل وبعد شوفتها