الجرح والليل والهوجاس طولبي = والبعد والصد والترحال طولبه
الى متى وانت تكوي بالجفا قلبي = ماتدري انه غلاك اللي سكن قلبه
خذني معك وين ماوجهت وارحلبي = لاتترك الروح خذها معك وارحلبه
ياغاية الروح خذني معك وانزلبي = للموقع اللي شعورك فيه تنزلبه
قربَ فديتك جروحك لاتطولبي = ابي اعانق دفئ صدرك واطولبه
القلب بعدك من التفكير غربلبي = والعين من غيبتك والدمع غربلبه
ياعمري الوقت منا موقفه سلبي = والقلب والروح انا مارضى على سلبه
ياعمري الجرح من فرقاك زلزلبي = والارض تحتي احس الشوق زلزلبه