آلا ياتل قلبي تل سبقٍ تله القرناس = كفخ شاف الحباري ونطلق من كف راعيه
على اللي صابني بالهم والتفكير والهوجاس = عقب ماراح خلى بالضمائر جمرةٍ حيه
عقب فرقاه ماطيق الحكي والنوم والمجلاس = اسوج الرجل واسرح معه بالروحات والجيه
اناديها وكنه تسمعن واصدق الاحساس = آلا وابري حالي عشت بين احلام وهميه
على قبر الامل بنيت واعزاه قصر الياس = شمخ بين الحنايا والبناء ميه على ميه
احسب احساب خلي ساكنٍ كنه وراء مدراس = ولاكنه على ماقيل بالمدن السعوديه
حسب تصريح راع الحق من دون الغضي لولاس = اموراً بهذلتني عارفٍ وشي تواليه
سبايب ناس واعزي لمن تجرو عليه الناس = ياكم نفسٍ توفت والسبايب حربٍ اهليه
يانور العين ياغض النهد يالمطرق المياس = أنا مارجيك لكن ماقدرت انساك موليه