صوت البلابل.. والنسيم وشذا الورد= للمترف اللي ما وطى الشوك حافي
ما عاشها المقرود وحنّا ياهل نجد= اللي خِلقنا يابسين الاشــــــــــــافي
كلٍ يجوع.. وجوعنا اشد واقرد= تشبع إليا صمنا السنين العجافي
فزعاتنا بالجوع ..والفقر.. والبرد= شيمة عرب ما غطلمتها السوافي
ناطا الكتاد وكل شايك لناخد= ويوم اعتلينا المجد ناعــــــــــد ونافي
ما غرنا نصراً تحقق ولا مجد = ولا حنا على الدنيا شفاقاً خفافي
حنا ركزنا العز بالجلمد الصلد= وتفجرت نجد الوفا جم صافي
الحمد لله نعمته مالها حد= نجود من جوده رضى ما نخافي
احرار مازلنا ولا أحدٍ تسيّد= بأرض الجزيره غير حراً سنافي
حنا بدو ننزل على عز وانشد= نســـل الصحاري للكرامه فيافي
قلته اذَكِّرِ...هافي الخال والجد= اللي يقول المجد جاكم جزافي