ياأجاء سبحان خالقنا وجـل=ذو الجلالة مالتصــويــره مثيــل
الالـه الواحد الفرد ألأجـل=ألأحد ماله ولد مــالــه خلـيـــل
منزل نور الهدى بعد الجهل=رحمة الرحمــن بالعبد الذلــيــل
من تـأمل بالتفاكير ابتهل=من جمال الكون والخلق الجميل
لاقعد بظلال ساق منجدل=وانهدل فوقه جريده كالـشليل
ناهدا قنيانها دبس وعسل=حلوة حمراء عــذبه سلسبيل
أو بفي اللي تحنى وانفتل =ساقها بغصـون شوك تستذيل
وللجخاخ ابصكة الرمضى زجل=كل ما تــنــزل تــغنــي للرحيــل
والسراب اللي تبارق وانتحل=صورة الغدران في وقــت المــقيل
وشاهد العاصوف لأثار انتشل=سافيات القاع واودعــهــا نـثــيــل
والشعاع الى انتثر من فوق تل=يشبه اعقود الذهب وقت ألأصيل
والظلال الى تساوق وانسدل=فوق متن الشرق ياكنه يــســيـل
وشاح فيّه بالسفوح وبالسهل=فارش وسط البطاحي له شليـل
انسحب وعصير من بعده أطل=باسـم كنه على الظلمى دخيل
تلعب النسمات بشجار غفل=وكل غصن مورق حتــى يميــل
ناضري حاشاه ماجاه الكلل=صادق لو قلت برماشه بـخــيل
وياعيون صافيت للحجل=وللقميري بين ريعانه هـــديـل
سر عيني كا تفا قربي نزل=وسر سمعي صوت تغريد وهديل
كل شاعر شاف سلمى ماعدل=كل وصفـه عـنـدمـا فيـهـا قليل
وقاصر ياطي من غنا وزجل=في شموخ غيرك أنتا مستحـيل
وأجو د أجواد العرب فيك ارتجل=عن حصانه و امتطى العليا بديل
في زمان الجوع واسنين المحل=باسط كفه على هامة بــخيــل
حاتم الطائي من آدم مافعل=با لبشر قبله كرم غير الخليل
ياحلى و ن هب ذعذاع ا لجبل=بالمساء الهادي وبالصمت العليل
والسماء قدم نجومه واكتحل=من دجى ليل عيونه تستحيل
ذكر المجنون ليلى وانتعل=من قلوب أهل السهر هم ثقيل
لا غفى الشبعان وأصحاب الجدل=وناموا الخالين وارتــاح الـهـبـيـل
شب نارك زان كيفك واسفهل=فوح أشعــارك وصـبه للخليـل