هاذي ثلاث ايام ياعيـد مانمـت=لاجيت ابى ارقد يزعجنّي حلومـي
الوقت طال وطوّل الصبر والصمت=وانا اتحرا منك رد العلومي
واجر ونات الالم لاتألمت=لضاق صدري من تراكم همومي
لكنّ لو طال الزمـن ماتحطمـت=ولو طال صبري ماتردت عزومي
حتى ولو انـي كتبـت وتكلمـت=ما ابيح سد ولا اتعـدا سلومـي
انا من هموم العنى ماتظلمت=والمشتكى للي رؤوف و رحومي
ايضا من سنين التجـارب تعلمـت=اني مااكون بكل حاجـه كتومـي