يابرق اقرب لاعدمتك بسألك عن لي سؤال=وابغى الإجابه منك تلغمها وتدفن سدها
ليه البواصل دايم راسه موجه للشمال=وليه الذنب يقفاه والارقام تملى خدها
ليه الذمم صارت تباع وتنشرا بحفنة ريال =وليه الآوادم تطرف عيونه بصابع يدها

الجرح

إمن اول الشرهه على اللي مامشى درب العدال =هافي ذمم ماحدرت طمغات قبله ردها
واليوم حكم الله نفذ مير اللعانه لاتزال =يالعن ابوا جد العروق اللي قليل كدها
العمة الشيخه وعوده لاتحيد ولا تزال=والله كريم مايخيب مارجينا ردها

الله وكيلك مابقى بصدورنا أي احتمال=شفنا المذله واله الصراف وقف عدها
يابو دهش افطن تصدق كل شي لك يقال=مادام مشفت الحليله قام يلعب قدها

تدري وش اللي يجلي الضيقه من اصدور الرجال =مطنوخة تاطا على خشم الحبيب بمدها
نشو يزلزل في رواعيده رواسي الجبال =ويضحك اثغور محال انه تشد لشدها

أي والله ادري مايجي من هرجتك أيت خمال=والـكـلمة الــزينه لـزوم اني اوقـف قـدها
وادري سياسات العرب عوجا كما رقاب الجمال=وشمس الحقيقه مظلمه لارحم ابوها وجدها

هونك وبشويشن ترى القربه تولوها الرجال=بطنه بحكم امواس قدتها وتنكر مدها
ياصاحبي وعيونن بغمضاتها خلفه زوال =قند ترانيم الحذر والجايعه من قدها؟

قريت فحروفك معاني لامست ذاك الخيال=ياليت تلـقى من يـترجمها ويارد عدها
ياصاحبي العوشزه مابغصنها في وظلال=والبومة الخرساء ترى مااحد قناه وهدها

اللي خفي يترجمه منهو يذم الانخذال=وانت بعيوني قدها مير الرجاوي هدها
اشوف انا المرواس صار انكاف ياولد الحلال=وعيون ذاك الحرص اشوفه قد تعدت حدها

صحيح بعض الناس ماتفرق حرامٍ عن حلال=لاناظرت عـينه لصوبي جاه شي ولدها
كنه هذيك اللي تخبي راسه وسط الرمال=ومرهجه ذيله لكم ياالله تقطـع بدها