العرف ناديته ولا دري غدا وين=عز الله اني كن فقدته فقيده
لوهو عليه من العتب جاير الدين=ما ورد العرق العطيش لوريده
الادمي قصة حياته عناوين=سوالفاً من كل فج وبديده
ان قالها قصه لها مستلذين=والذ من بعد السوالف قصيده
سر ياقلم وابعد عن المنطق الشين=وعطنا من المنطق لذيذه مفيده
عطنا من اللي يرجحن بالموازين=مخزون حبرك لايمد الزهيده
سوالفن تقسى على العقل وتلين=لعقول فذه في نظرها بعيده
صاحين والا كتفونا مجانين=راع الصحيح يسولف اللي يريده
ماهمه اللي يرمي الدلو بالطين=تال النهار يروح والطين بيده
واهل البنادق يازنون النياشين=والبندق الصايب هدفها تصيبه
والاربعين اللي عددهن ثلاثين=وش فايدة زوداً نقاصه وكيده
ومن رجح الكفه بليا موازين=ظلايمن والا خساير مكيده
ولايواتن الثنتين دنيا ولادين=وكلاً على حسابه يحول رصيده