لو كل قلبٍ عروقه تنبض الطيبه=ماصار مابيننا جايع ولا ضامي
مهما تكون الحواجز تحمل الريبه=دام الهدف تستبيحه دقة الرامي
ياهيه ياللي صفا خدك تماري به=ماترحم الحال يومك تعلن اعدامي
صبري على ماتسوي خاليٍ جيبه=وشلون ابا اصبر وانا اللي جرحي الدامي
ليل السهر كيف جفن العين يمسي به=حسبي على من جحوده نكس اعلامي
ما كل طالب تحقق له مطاليبه=ولا كل من يعترف لك بالهدف سامي
عرفت غيرك حراميه ولعيبه=ليتك تركد وتحذر سلة الغامي
من حط حيله بحيلي يحصد الخيبه=يموت في حرته ويحسب ايامي