تدري وش اللي حدني لك وجيتك=أخاف أراجع ما مضى واتناساك
صدفه على باب القصايد لقيتك=وطرقت لك قاف المشاعر ولا جاك
هذي يميني وأنت هذي يمينك=امدلك يمناي وتمد يسراك
عطشان لك معذور لو ما رويتك=بشرب فناجيلك مدامني أضماك
والله لو ما أحتجت لك ما دعيتك=ولا جيت لك مجروح وأدور رضاك
تدري وش اللي فاقده من طريتك=فاقد حنانك رقتك بسمه شفاك
فاقد هلابك يا غلاي وفديتك=ما عاد أنا أقوى طول صبري بفرقاك
تعبت من يمكن وممكن وليتك=وأنا على كثر التعب وأقف هناك
هذي جروحي ساكنه وسط بيتك=ما شفتها تجلس معك واتحراك
أما تجي ولا ترى اليوم جيتك=ما عاد به حيله على طول مسراك