لايصباح الخير ياديرة حسين=ياللي لكم وضح المشاعر ميوحه
دار الهيافا محتمين المجلّين=ربعي ليا من صار بالوقت شوحه
لاجت من الادنين ولا من الاقصين=محد عن الاخر تبين نزوحه
واللي مسح لوحتك هذا مسيكين=نفسه تردا من رداها طموحه
والدار منصى والهيافا عزيزين=وندلهم بالمشي من دون لوحه

سلطان وافي واهل الشعر وافين=والمدح واجب والعذر والسموحه
ان كان موفينا حقوق الكريمين=اللي لهم نجم ٍ سطع في وضوحه
واللوحه ان طاحت على جال سيدين=يبقى لهم بالقلب مليون لوحه
كانه كرم نعم ٍ بهم والف نعمين=كم دلة ٍ تشكي على النار فوحه
وصحون دايم وافيه من وفيين=ماعدّدو كم الحلال بسروحه
والفعل وافي والرجال معروفين=وقت الملاقا كم راس ٍ تشوحه