يمتعبـن جيـبـه عـلـى درب مجـمـول =وراك ماوضـحـت شـخــص تـريــده
اتعبتنـي يالقـرم مــع درب مجـهـول =ماقـلـتـنـي خــلــك مـنــيــت بــديـــده
اشغلتنـي والفكـر مـن قبـل مشغـول =فـي قصتـك وايضـا مشـاكـل عـديـده
مجبور اسج المملكة عرض وطـول =مـن شـان احصلـك علـومـن وكـيـدة
ارتح وانا اللي عن دعاويك مسئول =واصـبـح تلـقـالـك عـلـومـن مـفـيـده
ان كان ابوها يابيض الوجه مدهول =وسعـد النشامـا فـي الليـال الشديـده
نلفي على اللي فالعسر يذبح الحول =ونـاخـذ وليـفـك بالسـلـوم الحـمـيـده
وان كـان يبغـى مـال نعطيـه مدبـول =وان حـال دون الزيـن نلـعـن كـديـده
نشب نار الحـرب والسيـف مسلـول =ونـفـس تـوفــى نتعتـبـرهـا شـهـيـده
يجونهـا السبـعـان بـسـلاح وخـيـول =والله مـايـبـقــى لاهـلــهــا شــريـــده
ماقلتـلـي قــول عـلـى غـيـر مفـعـول =مــن قــام ضــدك يعتـبـرنـي كـنـيـده
الا ان زادك قـدلــه سـنـيـن مـاكــول =ياكـيـف ابحـيـلـك عـظـامـن هـمـيـده
ابــا تـعـذر وارجــي الـعـذر مـقـبـول= الـعــذر يـــاراع الـفـعـول الـمـجـيـده