لا تعذلون ألقلب لاتعذلونه = لا تعذلونه مآوطى درب ألادناس
هذا طريق ومسلك(ن)تجهلونه= مرن بها مكسب ومرن بها افلاس
وقلبي كما قصر(ن)تهدّم ركونه= ضآعت معآلمها ولايعرف ألساس
وعيني تهلّ ألدمع حرّق جفونه= سهرآن طول ألليل أبكي ومنحاس
على ألذي خدّه0 وقدّه0 ولونه= صآفي كما ألبلّور وغآلي كماالماس
كنّ البرد والبرق لآعج سنونه= وكنّ ألحيا وريح ألنّفل ريح الانفاس
عمهوجة(ن)مدعوجة(ن)تعرفونه= ايلا اقبلتّ في زيّها زين ألألباس
تستاهل ألحشمه ومنهو يصونه = رعبوبة(ن)عريبة(ن)مالها اجناس
طلبتكم عن حاجتي تنشدونه = هي مادرت بهم(ن)وغم(ن)وهوجاس
وهي مادرت يوم ناظرتني عيونه= انّه سقتني بالهوى صبّت الكاس
اظنّها ياناس تشفق حنونه = ماترتضي هم (ن) علينا ولاباس
ولا ظنتي أسعد ولااهنا بدونه = سجّلت ذكرآها بحبر(ن) وقرطاس
بنت الذي أهل الوفا يذكرونه = تلقى العرب في مجلسه دوم جلاّس
من لآبة(ن) بالكون تآبا المهونه= من سآس ناس(ن)ذكرهم يرفع الراس
تبآشرو بالضيف ليا قبلّ يبونه = منهآجهم عزّه 0وشيمه 0ونوماس
الفنّ ياهل ألفن عذبه لحونه = يقرع لها طبل(ن) ويطرب لها ناس
والودّ ياهل الودّ لا تكتمونه = وين الوفا يازين مع فهم الاحساس
عزّي لحآلي حين قفّت ضعونه = كنّه بعيد(ن) غربت يمّ (تكساس)
أو من (المنآمه)روّحت يذكرونه= في مركب(ن) للهند شرّق ل(مدراس)
شطّ المزآر وقلت :وين ألحنونه= افزّ للهاتف00 ليا دقّّت اجراس
زاد ألتّوجّد حين زآدت شجونه = أخآيله ضو(ن) ينوّر بنبراس
مثل الحيا شفت العرب يتبعونه= الى شعق برق(ن) تعطّر بنسناس
وصلاة ربي عدّ وآبل مزونه = للّي دعا بالدّين هو سيد الناس 000