شفتها وكني اعرفه من سنين=ونظرتني يوم صوبت النظر
كن بدر الليل في وصف الجبين=وكن ليل(ن) ساكنٍ فوق الشعر
عين ريمٍ تعتلاها حاجبين=فيهن موزع من سهام الخطر
أبتسمت وشلت كفه من يمين=ونبض قلبي تسمعه كل البشر
ما أشوف الناس واللي حاضرين=بس أشوف اللي جمالي له بهر
قلت أحبك ياعذاب العاشقين=وأحيا في حبك وانا كلي فخر
وأعلن اني عاشقك للسامعين=وأبغى منك لي جواب مختصر
خالفت من خلف راسي كفتين=وأسبلت عين يتصدع له صخر
ودنت الشفه بلون الياسمين=تبغى تطفي بداخلي جمر(ن) سعر
وصاح ديك الصبح والمصباح شين=وطار حلمي من حلا نومي وفر