البارحة دموع العيون فظحني=يوم لفاني علم ريم الصبايا
مالوم أنا العينين لو بهدلني=ويا لايمي جعلك بسم المنايا
كنت أنظره وأطير فرحان كني=طفل ٍ صغير غرقنه الهدايا
واليوم كل ما أشوف داره لفني=من ذكريات الحب بأقصى حشايا
أخايله تنادي وأنا أفز كني=مجنون ولياما إمنادي ورايا
الأيام في مبدا حياتي رمني=وش أرتجي اليوم غير المنايا
ودموع عيني بالليالي أسهرني=أصيح بأعلى الصوت يرجع صدايا
ما خفت أنا الأيام ليه أغدرني=وخذاً مني مجهول زين الحلايا
نيرانهن وسط الحشى يحرقني=الحزن والمأسات زاداً عنايا
الأعمار لو تشترى أنا الدفع مني=أشتري عمير الزين باللي معايا
ون ما كفى ما مــــعـــي يـــرخـــصـــــنـــــي=عــيــونـــي بــطـــيب مــــــرادي وهـــــــــوايــــــــا