الله يعين اللي حفظ قافه على متن الرفوف=غابت نجومه عن سما شعره وعتم ليلها
بركان شعره ينتفض من هاجسٍ باح الحروف=صاغ القوافي واحكمه وديان تذرف سيلها
نارٍ تلضى كنها حدب الشباري و السيوف =ضوه لمس كبد السماء حتى تعدى سهيلها
والا ذلولٍ ضامرٍ شذة عن اركان الصفوف=تنطح عفاريت الخلا لا زاد فيها حيلها
جنٍ تسلطن دبكها حين أظلمت ذيك الكهوف=لا وردت لا صدرت لا حدرت من كيلها
لا درهمت حول الشمال إيردها دون الهفوف=واليا جفلت جاها بلا يضوي سنا قنديلها
وصفتها وصفٍ على حالي من أسباب الظروف=عزاه يا نفسٍ تصافق في خفوقه ويلها
كم لي أعاني قسوة ايامي من احمال الكتوف=وكم لي أعدل بالليال اللي تزايد ميلها
صابر مثل صبرالكفيف اللي سرى بين الضعوف=تايه عن الدرب الصحيح وما فزع لي جيلها