ياغاليـه لاتجرحـيـن الـجـوارح=قلوبنا مـن كـل حاجـه مجاريـح
ترى الكلام احيان كالسيـف جـارح=وكسر الخواطرمثل كسر المصابيـح
الفكر في ساحات الاوهـام سـارح=يسرح ويضوي كل ماهبـت الريـح
لايابعد من لولشت فـي المسـارح=اللي لها راع الهوى يقـوم ويطيـح
ماعاد انا لك ياهوى البـال شـارح=ما اقدراوضح لك عن الوضع توضيح
والظاهـر انـه لازم انـي اصـارح=تعبت المح لك عـن الحـب تلميـح
وش رايك ابـا اقولهـا وانتصـارح=ما دام ما انت بفاهـم الا بتصريـح