(بعض) الشباب (الضايع) يقلد الغـرب=يقلـد الكـفـار فيـمـا يـسـوون
يقلدون اللبـس والاكـل والشـرب=وان قصوا القصات صاروا يقصون
اشكالهـم لشفتهـا كنهـم جــرب=واليا هرج لك واحد تقـل مجنـون
يسمع لاغانيهم كانـه لهـا طـرب=اصلاً0 وهو ما يفهم اللـي يغنـون
ضايع ولا ينفع به النصح والضرب=مايستمـع للنـاس مهمـا يقولـون
ومقلدين الغـرب مافيهـم الـذرب=يمشون لاعداهم علـى مايريـدون
تقليدهم حلق بهـم خـارج السـرب=وراحوا وراء عدوان الاسلام يمشون
يحاربون الديـن بافعالهـم حـرب=ولاعداهم الكفار صـاروا يحبـون
ادعو جميع الناس ما خص ياحـرب=شـدوا علـى شبابكـم لايضيعـون
ومن راح معهم جعلها روحة الغرب=اللي غطس بالجم والنـاس يـروون
يا ابوه ما بينك وبينه صلـة قـرب=ومنـه القبيله واقرباه يتبرون