ياماكتبت وهمت في كل وادي=اكتب واغرد كل ماهبت النود
كتبت فى الحكمه وفي كل نادي =وكتبت فى الجادل وفى عيونه السود
وكتبت في كل القيم والمبادي =وفي كل منبر لي مكانه وموجود
واليوم ياشعري كسرت الشدادي =جرحي كبير وواضح النقص والزود
بين الإشاعة والكلام الوكادي =أعلن بها الديوان والعلم موكود
ترجل الفارس وهام الجوادي =آمنت بك يارب والعمر محدود
راح الكبير المستنير الريادي=راح الزعيم اللي به الرأي معقود
أربع عقود تشيل راية بلادي =وتركتنا للهم بعد أربع عقود
ايوالله أن الفقد ماهو بعادي =الله يعظم آجرنا فيك ياسعود