بادياً باللي علـى خلقـه رقيبـي=قبل بدع القاف بالرحمـان بـادي
بعد ذكر المعتلـي قـال الأديبـي=حضر القيفان من صدره جـدادي
راكب اللي من حفيزه تـو جيبـي=تـو ماجابـوه تجـار الـبـلادي
ابيضاَ نوعه من التايـوت جيبـي=من ركبه مايجـي عينـه نـوادي
كـل ماطالـت مسافاتـه يطيبـي=منوته قطـع المسافـات البعـادي
فوق سيته واحداً لحيتـه شيبـي=بالمهمه نرسلـه حيثـه سـدادي
من جنوب العان وجـه للمغيبـي=يم ديرة عزوتـي ضـد المعـادي
الهيافا عزوتـي سقـم الحريبـي=فرحت المضيوم حـزات العنـادي
ماضي الأزمان لـه دوراً رهيبـي=فعلهم معروف مع حضر وبـوادي
خص منهم بيت عماش الحبيبـي=شيخنا ماهـي سواليـف ودوادي
وقف الفكسـار عنـده يانديبـي=واجبك حزة تجـي يمـه يقـادي
عند أخوا نجلاء على كبشاً وطيبي=يوم ولد الاش مكسبـه السـوادي
يذبح القـارح لضيفـه مايهيبـي=ذبحت الكبشين عنده شيء عادي
نسل شيخـاً مايداوالـه صويبـي=يوم دور السيف والشلف الحدادي
قل لبو نـواف ياعـوق الطليبـي=ربعنا ترجيك في صوتـك تنـادي
ربعنـا تنخـاك شبانـه وشيبـي=وين أخوا نجلاء نبي منك المرادي
عفوكـم نبغـاه ياشهـم اللبيبـي=وين أبو نواف يافـرخ الهـدادي
ماحصل يالقرم ماضنـه غريبـي=قبلنا صارت على الشيخ المهادي
جاه جاره قال جابه لـك نصيبـي=الولد عندي وذبحي لـه عمـادي
قال ودموعه على خـده صبيبـي=جارنا يعتق وأنـا يجبـر فـؤادي
وأخو عمشا ويش سوا بالعتيبـي=سامحه بمنيف مخبـوراً وكـادي
قال أبو هـذال مايكتـب يصيبـي=ماحصل مكتوب من رب العبـادي
وأنت حر ومن هقابـك مايخيبـي=ومن قنص بالحر للجزلات صادي
جعل من خلفك من ربـه قريبـي=عند رب العرش في ظل وبـرادي
تم قافي وأسمحوا من كل عيبـي=سامحوني كان بالقـاف أنتقـادي