ياجهازي وش بلا حالك تردّا=الحروف احيان ماتكتب صحيحه
لو ضغطت الحرف مرات يتعدّا=والغلط احيان ياصل للفظيحه
قال انا تعبان مافيني مسدّا=وانت صبعك صار مايرحم جريحه
والصبا لو راح ماظنّه يردّا=ولي ثلاث سنين عندك بالبطيحه
قلت يمي لد عيّا لايلدّا=لعنبو هالوجه ياوجه النطيحه
مابقى يالهيس لك عندي مودّا=مار خذها اليوم من عندي نصيحه
والاصابع ذي مامنها مصدّا=استلم مادام هيضت القريحه
قال انا وياك كل منا يتحدّا=اشهدو ياناس من يسبق مطيحه
دام ساهر حي يالقرم المفدّا=والله انه لو تعاطف مانبيحه
قلت انا الجمشات عندي له معدّا=وان زعلت ارميك للعامل منيحه
مار عين خير والطيّب مبدّا=ولانسيت ايام عشناها مليحه