لا إله الا انت ياذا الجلالي=عالم الظاهر وعالم خفاها
خالق الدنيا بأحسن كمالي=خالق الأجيال ومحصي نماها
رحمتك يارب يوم الهوالي=زيّن الأعمال وادمح خطاها
جاك ضيفٍ عندا حيل غالي=يارفيع الملك جمل نباها
انزله في منزلٍ ماينالي=انت ربه كافله من صباها
عمي مناحي كريم السبالي=شّد من دنياً كثيرٍ غثاها
اكرمه يارب بدار المعالي=واجعل الفردوس هي مبتغاها
ثبته يارب عند السؤالي=واحم وجهه من لهايب سناها
الفروض الخمس في كل حالي=مايتأخر لاسمع في نداها
ودايماً للجار حسّن المقالي=ماشّتكو جيران بيته لغاها
وعادته للضيف رحب القبالي=يقدم الترحيب ويكرم لحاها
راح عمي والعزاء بالعيالي=يحملون لسيرته من وراها
وكم عانينا بتآل الليالي=وكم به غالي وربه خذاها
وكم غالي فارقه شوف غالي=هذي الدنيا ودورة رحاها
وكم فقدنا يالهيافا رجالي=والجميع الله يحسن عزاها
ورحمة الله فوق كل احتمالي=كل مسلم يرجي الله عطاها
وفي ختام القول ياذا الجلالي=اكفنا شر الشرور وبلاها