انخا الطنايا لابتي كل الاحيان=شمر خيار القوم اول وهالحين
تكفون ياشيوخ الطنايا والاعيان=تكفون يارجال العرب يالعزيزين
وين المروه وينكم ياهل الاحسان=الهمه الهمه ترو مابقاء شين
فزعاتكم تبري مرض كل مرضان=وتزيل ويله ياشكا لوعة البين
شمر هل الردات للمجد عنوان=شمر هل الفزعات شمر سلاطين
تكفون ياشمر سعَد كل منهان=وقفاتكم يالابتي له براهين
تنخاكم اللي حالته هم وأحزان=ماغيركم يمسح لها دمعة العين
تحيزمو ياعزوتي والوعد حان=ماباقي الا يقسم الراس قسمين
انتم سندها ياهل العز والشان=فيكم تعزوت وافزعو يالشريفين
فيكم تهقوت واعتزت وانتم الآن=عوناً لها في قاسي الوقت واللين