ياهـل المكارم والمراجل يالابطال=يـالطيبين اهـل الوفاء والزعامه
عندي لكم ياصحابنا بعض الاقوال=قـول الـذي يـاقـال يـازن كلامه
ياجبت من راسي جزيلات الامثال=تلقـاء عليها ختـم شعري علامه
مـا كـل رجـالٍ يعـوضـك برجال=الفرق فـي عقل الرجل والفهامه
رجـلٍ رزيـن ودايـمٍ طيـّب افعال=ورجلٍ على قـل المعرفه رخامه
ورجلٍ علومه تسعدك كل الاحوال=ورجلٍ علـى فرقـاه عـز وكرامه
ورجلٍ وسيع بطان حمال الاثقال=هـذا هـواء نفسي وغاية مرامه
اللي ليـا دار الزمن واشهب اللآل=تلقاء معـه درب السنع والسلامه