واوجــودي وجــد مــن جـــوه حـراســه=وابــلــغـــوه الـــيــــوم لازم يـقــصــونــه
صــادرا بـــه صـــك ومـوقــع اسـاســه=والحكـم عـن ظاهـر الارض ينفـونـه
وصـادروا وصيـة الشخـص ولباسـه=والافــــادة بــعـــد لـحــظــات يـقــرونــه
وامـتـلـك لـلـقـلـب هــمــه وهـوجـاســه=ولفـوا الشمـع المقـوى علـى عيـونـه
وقام يفقد بعض الاحيان لاحساسه=مــا يجـيـب الـنــاس لـوهــم يـنـادونـه
وحـط شيـخ العلـم كفـه عـلـى راســه=ولـقـنــه شــهـــادة الـخــيــر وركــونـــه
واسـرعـت دقــات قلـبـه مــع انفـاسـه=والحضـور بسـاحـة الـمـوت ينعـونـه
والمنـفـذ واقـفــا مـــا اخـتـلـف بـاســه=يـنـتـظـر مــراســـم الـحــكــم يـنـهـونــه
صرت انا مثله والاوضاع منحاسـه=وزاد فـــي قـلـبـي بـلاويــه وشـطـونـه
كـــن فـــي قـلـبـي مسـامـيـر دبــاســه=والـعـيــون لــزايـــد الــدمـــع مـرهــونــه
والـقـضــيــة زاد عــمــقــه ولـــولاســــه=وحال بعض اليـاس بمهمتـي دونـه
فاقـد(ن) لـي غاليـن قطعـة ارماسـه=مانسـيـتـه واكـثــر الـنــاس ينـسـونـه
واطلـب اللـي ميـز النـاس باجناسـه=والـبـشـر بالـخـيـر والـعـفــو يـرجـونــه
يـرجـعــه ويــفــرح الــبـــال بـاونــاســه=ومـــن رجـــاء لله مـاخـيــب اظـنـونــه
يونـسـن بالبـيـت شـوفـه ومـجـلاسـه=وغيبـتـه تسـتـاهـف الـقـلـب بغـبـونـه
غـيـبـة الغـالـيـن صـعـبـة وحـسـاسـه=والــفـــراق يــقـــدد الـقــلــب بـطـعـونــه