الديـــــرة اللــى جوها ينعش الروح=دار الحسد فيها وشذب العراقيب
غنـــيهم يصـبح مـــن الفـــقر مسـدوح=حضه رمابه بين شله لواهيب
من عقب ماهوتاجرٍ صار سلتوح=صابه سهاج وفر راسه من الشيب
مـــيزان عزه راح ماتشوف له ضـوح=اقفوبه اللى يلحقون المشاهيب
عقــارب الأقراب لاتقول وشــنوح=جنون البقر بعض البشر له مناديب
هــذي منـاديــبه تفــاخر بـــه اللـــوح=دام الاخو يشكي الاخو مابها عيب
وش باقــياٍ عنـــده مــن العيـــب ممــسـوح=مدام هذا مبتدا العلم والطيب
بعــــد الديــار ونـازح البعــد مسمـوح =هذا العلاج ولا تدور تطابيب
وتــلـقــى من الاجناب من يازن الروح= يوردك عداٍ بعيد المشاريب
عنــداللوازم ما يــجي بعــــدها شــوح= اقرب من الثنتين حر المراقيب
والا ولـــد عمــك تقـل فعـل ذابــوح=عند المحاكم جيداً بالمطاليب
باب الــمشــاكل دايم الدوم مفــتوح= ما ينقفل عنده كثير المناشيب
عيــنــه بجنــبه ونــفعــها سـم ذرنـوح=كل الاقارب من سببها معاطيب
ويالــله يالمعــبود يا منــجي (ن) نـــوح=تستر علينا من جميع العذاريب