راكـب اللي معترض درب المسبه=والمــــواتر عــقبـها كـلــه خــــساره
جيــــب لكزس يايها يرفا مطبه=وان وقــف بيــن المــواتر لـــه وقـــاره
كامــل الميزات حظ اللي ركب بـه=خِيرت الالوان الابيــض بخـتصاره
عنّها للــي شمــــــخ والعفن كبه=والامــاره مبطيــن ماخذن صــداره
ابو متعب ماخذن كـــــل المنبـّــه=المـــــنبّه بالــمراجــل هــو شعاره
شِيختُه ماهي على بشتٍ وجبّه=ورث ابـــــوه ورث جـــده ماسـتعاره
صالح المتعب شعارالطيب حبّه=اشــهد ان الطــيب فــي راســه مـداره
شيخة الخمسان عندك مستتبه=سعــد من ينصـاك ياشـــــيخ الامــاره
واشهد انك بالفزع حرّ تنبه=فــزعتــــك تــجلى عـــن الكــبد المــراره
واشــــهد ان ساس الكرم عندك مصبه=ينحني لك وانت سيلٍ في مساره
نارابوك ونار جدك مشلهبه=ماخــذينـن با المــراجـل كــــــل شــــاره
عادة الــــطــيّب ســلومه مايكــبه=والردي كـــوبان ناســفـــها يــــساره
والعدو توقد على راسه مشبه= مركبه بالحوض من عقب الغـــماره
والســلام ختام نهديها محــــبه=لـــلامير الــــي طويـلاتــن شــبــــاره