الـلـيــل روحَ مـابـقــى فـالـسـمـاء لــيــل= وصبح السهر بانـت مـواري فصولـه
اسهـر مـع اللوعـات واخـاوي سهـيـل = والصبـح لعيـون السهـر بــه سيـولـه
اشكـي مـن جـروح الـهـوى والغرابـيـل = وروحي عـل حمـل الجـروح مهبولـه
ولـيـا بغـيـت اشـكـي عـلـيـه البـهـاذيـل = دمعـي حبـس نطـق الكـلام ورسـولـه
اسـكـت واداري هـرجـة الـقـال والقـيـل = نجوس القلوب اللي حكوا به حكوله
مارضـى علـى نفسـي مذلـه ولا ميـل = ومارضـى علـى ربعـي مناقـد رجـولـه
بـس البـلاء اغليـه واشتـاق لـه حيـل = وحـبـه بـنـى فــي قـلـب مغلـيـه دولـــه
حـبـه طـبـخ دمــي وصـــب الفنـاجـيـل = لابن ( ....... ) ساق دمي عمولـه
ارســى مكـانـه بـيـن حـدبــن منـاحـيـل = وصـدقَ ورق حبـه بيسـر وسهـولـه
يـالايـمـي جـعـلـك بـنـهـراً مـــن الــويــل = وفـــي دنـيـتـك تـاطــاك دنـيــا عـجـولـه
ابكـي عـلـى جـرحـي واجــر المـواويـل = واعــــزي عــيـــون الــغـــرام الـخـجـولــه
الحيـل ذاب مـن التعـب مابـقـى حـيـل = والـرجــل تـعـثـر فـــي مـحـافـر خـيـولـه