جانا اتصال وعلم ماهو وكادي=رجل(ن) ينشدني عن فلان ..هل مات؟
قلت اتقي الله علها بالأعادي=لين اتصال الثاني ومت بسكات
لحظة سكون وصمت ماهو بعادي=هذا هدوء العاصفه قبل لحظات
والمزن حدر سيلها بالركادي=وما بين حلم وعلم جريت ونات
والجوف كنه بالسكاكين غادي=والقلب ينزف من جميع اتجاهات
عليك ياذيب السهل والحمادي=وعليك ياذيب الشفى والطويلات
مليون رحمه من أله العبادي=وعسى لكم بالخلد مسكن وروضات
ويغشاك من عذب النسايم برادي=ويسقيك من حوض النبي عشر شربات