منتدى نشامى شمر - عرض مشاركة واحدة - قصائد درر للشاعر المرحوم عبدالله الفرج الغيثي

12-07-2018

اقتباس

المشاركة الأصلية كتبت بواسطة المشرف العام


	قصيدة درره للشاعر المرحوم عبدالله الفرج الغيثي وقعن سنوني وانقلب عارضي شيب = ودليت اقوم بموخري قبل راسي خذيت من طبع النضا شمخ النيب = ثوران هرش بالبروك متواسي هذا طريق الحق ماعنه تجنيب = مضمون لو تفنى الجبال الرواسي قالوا لي ان الشيب مابه عذاريب = هرج يقولونه على غير ساسي الشيب لابه لامعزه ولا طيب = الا المهونه والتعب والتعاسي صعب على راعيه بعض المواجيب = الهين اللين على العود قاسي عقب الوناسه والطرب والتعاجيب = ياشبت ياتيك الزمان انعكاسي يصير لك دون الوناسه عواقيب =اخر نهار وحال دونه دماسي تحرم من السجه ونط المراقيب = وتنس طرات البال لو ما انت ناسي الشيب يتعب شمخ النيب والذيب = وجتى النبات اليا كبر قيل عاسي ياشبت تجفاك البني الرعابيب =من عقب ماانت جنيه ترجع نحاسي شي صحيح وماضي له تجاريب =ولا يفيد لو تلبس جديد اللباسي العود له حشمه وقدر وتواجيب = بدور مضى واليوم كنه مداسي حتى من الاقراب ياجا تعاتيب = تستضعفه بعض النفوس الخساسي الشيب ياصادك بعكف المخاليب = مايفارقك لو صحت تبي الخلاصي مار يالله ياعالم خفي خافي الغيب = عالم خفى المخفي بقلب سياسي عبدك بدون عراك ماله مقاضيب = يامخضر بالنبت عقب اليباسي اطلبك عفوك وانت معطي المطاليب = يوم تلين به القلوب القواسي ان صرت بالمظلم بشين الضنابيب = بـحَـفـرٍ حِـفِــر طـولــك بـعـرضـك قـيـاســي هذه قصيده للشاعر: عبدالله بن فرج الغيثي(رحمه الله) وهي قصيدة فكاهية عندما شاف الداب عند الغرايس يـوم جيـت الغرايـس شفـت شــيٍ عجـيـب=عفـت شـوف الغريـس وعفـت لـذة غـداي أقـطــم الـذيــل لاقـانــي بــجــرف الـخـريــب=أفــقــمٍ خــفــت مــنـــه واوجـعــنــي شـــــواي حـاشـه الـحـظ يــوم انــه تــردى النصـيـب=وبان تقصير حظي وانكشف لـي غطـاي يطِّحـن لـه وشيـش ومـن يشـوفـه يهـيـب=يــوم شفـتـه نـشـف ريـقـي وطـنـب رغــاي يـرتـهـب مـنــه قـلــبٍ قـاســيٍ مـــا يـهـيــب=ومــن يشـوفـه مــن الـذلـه يصيـبـه بـــلاي يـــوم شـفـتـه وشـافــن والـمـسـافـة قــريــب=ارتـهـب مـنـه قلـبـي مــن خـــلاي بـخــلاي صـرت انـا تقـل شـاة وهـوغـدا تـقـل ذيــب=قــام يـنـزح يـبــي يـمــي وانـــا انـــزح وراي لوبيـمـنـاي سـيــف صـــار عـــده عـسـيــب=بغـتـةٍ جتـنـي الـذلـه مـاهــو مـــن رضـــاي لوبـيـمـنـاي ســيـــف وبـيــســاري صـلــيــب=قـلـت مــا لــي بـهـن عــزٍ وبـاربـح عـنــاي حـال بيـنـي وبـيـن الغـيـد حــدب الرطـيـب=واتـنــخــى وعــجـــزن يـعـمـدنــي عــضـــاي ولوتنـخـيـت تـرنــي خــايــفٍ ومسـتـصـيـب=لاتـــغــــرك مــنــاخــيــي وكــــثــــرة حــــــــداي الـودي مضمـيٍ والـمـاء وصـولـه صعـيـب=ولـو اشـوفـه قـريـب عـنـه يقـصـر رشــاي يوم شاورت نفسـي جـت بشـورٍ مصيـب=جــت بـشـورٍ سـديـد يزبـنـن عـــن عـــداي قـالـت النـفـس اطعـنـي وانـهـزم ياخطـيـب=وقـلـت رايــك قبلـتـه واطـربــن خـــوش راي قمزتـيـنـن مـــن الـذلــه قـطـعــت الـشـعـيـب=يــوم قفـيـت مـــن جـــودي طـــوالٍ خـطــاي مثل جري الحصان اليا احتمـى بالهذيـب=الاصـايــل تـعـجـز تـسـخـرن عـــن هــــواي ابحـث الأرض قفـوي تقـل تفحـيـط جـيـب=واذكـــر الله مــــع الـسـرعــة بـعـيــدٍ مــــداي يا انهزمت اقطع المشـوار لـو هـو تعيـب=واآصــل المـزبـن المـأمـون قـبــل خـويــاي ويـا وطيـت النقيعـه عـدي اشـرب حلـيـب=الـخـلا هـــو طـــرب بـالــي وغـايــة مـنــاي جـــامـــعٍ ســـرعـــة وفـــكـــر ورايٍ واديــــــب=وفـاطــنٍ للـشـمـاغ وقـاضـبـه مـــن ذكـــاي فـاطــنٍ لـــه بـيــومٍ مـــا يـونــس عـصـيــب=قـاضــبــه بـالـيـمـيـن وبــيــســاري حــــــذاي ولو ما أنا شايبٍ من شوفته كان أشيب=مــار انــا يـــوم اشـوفــه واصـــلٍ منـتـهـاي قبلـه الشـيـب بــي مـاجـود مـاهـو غـريـب=والـضــروس الـرواســي مخـلـيـاتٍ جـمــاي وعـلـة الشـيـب لـــو داويـتـهـا مـــا تـطـيـب=حــيـــث قـــــال الــمـــداوي مـايـفــيــده دواي يـقــتــدي بـالـمـجــرب كـــــل قــلـــبٍ لـبــيــب=أوســط العـمـر فـاتـن مـثـل فـوتـة صـبــاي وصـــرت عـــودٍ ودورات اللـيـالـي تـصـيـب=غافـلـن والليـالـي الـســود تـطــوي رشـــاي مـار اطلـب الواحـد اللـي طالبـه مايخيـب=اطلـبـه واطـلــب انـــه مـــا يـخـيّـب رجـــاي اطـلـبـه واطـلــب انـــه لطـلـبـي يسـتـجـيـب=سامع اللـي ببطـن الحـوت يسمـع دعـاي مـالـك الـكـون دايــم فـــوق خـلـقـه رقـيــب=مِـنــزل الـغـيــث ربــــي مـزبـنــي مـلـتـجـاي مـن هـل الـسـوء واشــرارٍ رمـاحـه تصـيـب=ازبـــــن الله عـنــهــم خــالــقــي هــــــو ذراي قـلـت بالله رجــاي ولا عـلــى الله صـعـيـب=لـلـصـراط يـهـديـنـي حــيــث بــيــده هــــداي ارتـــجــــي ثـــوابــــك يــالــكــريــم الــمــثــيــب=رافـــــعٍ لـــــك يــديـــي قـــــول يالله جــــــداي يـامـنـجـي الـوحـيــد وهــــو بـلـجــة قـلــيــب=اتــرجــاك تـغـفــر لـــــي عـظــايــم خــطـــاي بـسـاعـةٍ مـابـهـا عـنــدي بـغـيـظ وحـبـيــب=ولابـهــا قـولـتـن يـافــلان خـــذ ثـــم جــــاي ولــو تـنـادي بصـوتـك ماتحـصـل مـجـيـب=ولو زهمـت ونخيـت وقلـت ويـن اصدقـاي حيثـنـي راعــيٍ والـوقــت عـنــدي حـسـيـب=وكـــل مـافــات لــــي يــــومٍ يــقــرب وفــــاي ولهُ ايضا هذه الفكاهيه لاســقـــى الله لـيــالــي طـلـعـتــي بـالـشـعـيــب=مـارويــتــه ولــكـــن ذقــتــهــا مــــــن شـــقـــاي قـصـتــن لــــه بـقـايــا فــــي حــيـــاة الاديـــــب=يــوم اصـيـد القمـيـري واكبـسـه فـــي غـــداي فــــي جـحـيــم الـقــوايــل والـهـبـايــب لـهــيــب=جايـعـن عـقــب لـقـمـه ذقـتـهـا فـــي عـشــاي وقـمـت اســوي طعـامـي عـنـد ظلـعـن قـريـب=وطلحة الشـوك صـارت عـن عجاجـه قفـاي ويـــوم زان القـمـيـري صـــار ريـقــي صـبـيـب=قـلــت احـطــه ولا احـــدن راح يـاكــل مـعــاي انطلـق لـي حنيشـن مـن شـقـوق الشطـيـب=والحـنـيـش الـمـنـقـط هــــو سـبـايــب غــثــاي اســـــودن ســـــم نـــابـــه مـايـفــيــده طــبــيــب=وخـفـت مــن لــون عيـنـه لاتسـبـب عـمــاي والله ان الـجــدايــل مـــــن عـيــونــه تــشــيــب=ولا طــرى لــي بـوسـط الـلـيـل جـانــي بـــلاي صـــار صـــدري شـخـيــره بالـحـنـايـا غــريــب=يمـغـصـن وســـط بـطـنـي والـسـلامـه هـــواي وقمـت اراعـي طعـامـي مــن ردات النصـيـب=صـعـب اخـلــي طـيــوري بـالـخـلا مـــن رداي قـلــت لـــه لـيــش زرتـــن يالـعـيـن الصـلـيـب=لـــو تـأخــرت سـاعــه كـــان تـضـبـط مـعــاي وقـمـت افـكـر بذبـحـه فــي طـويــل العـسـيـب=ولـو حصـل فـضـخ راســه كــان هــذا مـنـاي لــو قضعـنـي بنـابـه شـمـس عـمـري تـغـيـب=وتـفـقــد الــنــاس زيــنــي مـاهـنـاهــا حـــــلاي اقــطـــم الــذيـــل هـــــذا نـهـشــتــه مـاتـخــيــب=ولــو ينـوشـن بنـابـه كــان امــوت بضـحـاي وقـمـت اراقــب عيـونـه مـثـل عـيـن الحـريـب=واختـلـط حــس صــدري مـــع نـــوادر دعـــاي صـعـب اقـابـل بخـيـلـن طـــق بـابــي طـلـيـب=ويـــوم حـــرك لـسـانـه ضـــاع مـنــي رجــــاي وهو يجيني وانـا اقمـز مـع طريقـن صعيـب=طـايــرن ياجـمـاعـه فـــي سـحـايـب ســمــاي اوجــس الـنـاس تحـتـي والـخـوافـق حـطـيـب=عـقـب ماكـنـت قـاعـد ساجـعـن فـــي خـــلاي كــيــف عــديــت طــايـــر مــاذكـــرت الـقـلـيــب=ولــو تهلفـيـت وسـطـه كــان راحــوا ضـنــاي خـطـوتـيــن وقـمــزتــه كـالـحـصــان الـعــريــب=والـمـبــارز رفـضـتــه قــبــل اطــيــح بـخـطــاي صــار لـــي مـــن عـيـونـه بالشـغـايـا هـذيــب=والخسـيـس ان مسكـنـي يـبـي يلـعـن ثـــواي لــــــو بــغــيــت اتـــعـــدى للهلال الـخـصــيــب=ســرعــتـــي فـــــــي زيـــــــاده لاذكــــرتــــه وراي كـلـمــا زاد عــزمـــه فـــــوق عــزمـــه نـجــيــب=وان عطى الداب سرعه زدت انا في عطاي الـكــتــاده وطـيــتــه بـــــس شــوكـــه حـبــيــب=والـنــفــود الـغــزيــره عـفـتــهــا مــــــن ذكــــــاي دام راســه عـريـضـن تـقــل عـلـبـاء خـطـيـب=وش يـفـيــدن قـبــالــه يـاجـمـاعــه عــصـــاي خـطـوتـي خـمـسـة اذرع بالـشـجـر والكـثـيـب=وكــل صـوتـن يخـرفـش يقلـعـن عــن مـــداي واحــمــد الله لـحــالــي مـانـظـرنــي صـحــيــب=كـــان اعـقــب الـخـريــزه مــاذكــرت اخــويــاي يقول عبدالله بن فرج الغيثي يــــامــــن يــــوصــــل كــــلامــــي يــــــــم تــلـــهـــوة=ويـشــيــر عـلــيــه غـديــهــا تــقــبــل الــشــايــب أبـوثـمــان(ن) بــــرد مــــزن(ن) ظــفـــى نـــــوّه=بمبـيـسـم(ن) كـــن بـــه ذوب الـعـسـل ذايــــب وخــده كـمـا نــور نــار(ن) سـاطـع(ن) ضــوّه=شـبـت بـحـزم(ن) رفـيــع(ن) والـقـمـر غـايــب والـــزول زمـلــوق قـفــر(ن) ســايــل(ن) تــــوّه=تخلف عن الفرض عبد(ن) عابد(ن) تايب إن سـانــعــت والــهـــوى لــيّـــه صــفـــى جـــــوّه=الـمـال لــو هـــو كـثــر دفـعــه مـــا أنـــا هـايــب وان عـاضـبــت قـولـتــن تــرنـــي مــاانـــا لـــــوّه=انــــا مــــن الــلــي جـفـانــي خــاطـــري طــايـــب يــامــن الأنــفـــس تــراضـــت طــابـــت الــخـــوّه=واكراه نفس(ن) لنفس(ن) تر ماهو صايب مـــــن لا يــجـــي بـالــرضــى مــاجـــاك بـالــقــوّه=الــكــره مــكــروه مـطـلــب خــاســر(ن) خــايـــب هذه القصيده قالها الشاعر عندما غادر مدينة حائل الى الشرقيه للعمل في شركة الزيت....وهي تحكي فرقا بين ثقافتين ولغتين اصطدمتا في مخيلة الشاعر.........تحكي تطلعاته واماله الخاصه فأتت كقاموس لغوي في تلك الفتره بأسلوب ساخر....... المسـتـريـح الـلــي مـاسـمـع بالسبـيـلـنـق=ولا شــــاف مــيــري وجــانـــي وســـــوزان بــديــار حــيــه مــاعــرف جــيــم وفــرنـــق=مــتـــريـــح مــاعـــذبـــه ديــــفــــد وجـــــــــان ولا راح يشكي الحال عند الهوى سنق=يــقــول غـرفـتـنـا بــهــا الـلــيــت خــربـــان ولا قـال حـط الهـوك مـن شـان هنقـنـق=وصلـح درايـش غرفتـي واضـبـط الـفـان ويـسـمـي الاشـغــال ووركــــن ودوونــــق=ويـقـول انــا لـيـزي لـيــا صـــار كـســلان ويــبـــدل اســـــم الــشـــي بــقــولــة ثـــنـــق=ويــقــول بـــــوي لـلــولــد والــرجـــل مـــــان وقـــول لـفـمـه مــــاوث ولـسـانــه الـتـنــق=والخـشـم سـمـي نــوز والتـيـث الاسـنـان حـتــى جــنــاح الـطـيــر بلـسـانـهـم ونــــق=واســم انـمـل يطـلـق عـلــى كـــل حـيــوان واصــــح قــالــو رايــــت والـغــلــط رونـــــق=ومـحـل فــوق اوفــر وقـولـن تـحــت دان والقصر سمي شورت والطول باللونـق=ويـقــول شـيــب يـبــي يـسـمــي الــضــان والـيــا اسـتـمـر الـهــرج ســمــوه تـوكـنــق=ويقـول ايـم سـوري اليـا صــار غلـطـان والمشتـرى اسمـه بــاي والبـيـع سيلـنـق=شيـب رخـيـص وفالـيـو غـالـي الاثـمـان واصــبــح يـغـيــر قــولــة جــيــب بـبــرنــق=ويــحــط كـلـمــة واز عـــــن قــولـــة كـــــان واسـم الكـلام سبيـك وامـا الغنـاء سـنـق=سـوالـف ماتـلـيـق فـــي عـقــل الانـســان الــســن فـخـتـهـا الــــذي كـــــون الـخــلــق=واي لـــغــــه بــلــســـان اهــلـــهـــا شــــــــان الله يرحمك يابو فيصل ويغمد روحك الجنة

الله الله الله يامل الجنه اثريه داهيه الله يرحمه