طول غيابك من متى ماتردين=معقول ناوي تقطع الحبل فيني
ماني مصدق تقطع الوصل يازين=فيك الصلابه قاسيه ماتليني
لامر طيفك ياتي الصبر من وين=فيك انتهي وانقاد واقول ويني
طلبت جوالك على الأس والزين=خارج نطاق التغطيه تشقليني
اخر رساله زاعجه قبل يومين=لاشفت تقريره تزايد ونيني
انتي جنون المهتوي لاتزيدين=ليني لحبيبك ياهوى البال ليني
يرف قلبي وازهمك يوم تطرين=ياالله تعين المهتوي يامعيني
حبك سباني واستحل الشرايين=اما اورديني العد ولا اهجريني
الحب دايم مصرعاً للملايين=وانا ضحية حب هاك السنيني
هذي القصيده بنشره بالدواوين=فيها صدى قلبي ونبرة حنيني
من يوم شفت لهاتفي ماتدقين=قلت استعن بالله ياالمستعيني
فن كان ناوي تقطع الوصل ياشين=اسمع كلامي فيك يامهتويني
حلفت ماقزك ولا اقول تكفين=كانك معزم روح لاترتجيني