راع القصايد مثل راع البعارين=يتعب عليهن والتعب جايزن له
احيان يعطيهن من الوقت ثلثين=والى اقبلن يعطيهن الوقت كله
ونما نظمت الشعر حسب القوانين=لا تتعب افكارك بكثره وقله
إتعب على الطيب ترا الناس ذربين=الناس لو تلقا خطا تستغله
نقش بصخر ماهو كتابه على طين=ايجمّل اللي يكتبه في سجله
احيان لو بيتن تسوا دواوين=واحيان لونه بيت واحد تملّه
ولا تامن الحكمه تجي من مجانين=ولا تامن العاقل تجي منه زله
مالله جعل للرجل بالجوف قلبين=لكن جعل عقله لرشده يدله
ونحاوجت تختار مابين وجهين=اختار وجه السمح واسترزق الله
العز شوفه في وجوه المصلين=وتشوف فوجيه العصاه المذله
ويكفيك من بعض العرب فاله الزين=لو مايقدم غير فنجال دله
الجود ما ينفع مع المذهب الشين=الجود يبغا اللي حجاجه يفله
والنفس ماترتاح عند الشحيحين=ترتاح في حل الكريم المدله