صبّوا لنا من صافي الكيف فنجال = فنجال يبري علّة ٍ مستكنّه
العقل غايب والمخاييل همّال = أشقابها لكن هجوسي تعنّه
سبّة هنوف ٍ شوفها كيف تختال = عيني شقاها يوم راعت مظنّه
تمشي على الهون وتمايل تميّال = في روضة ٍ تنشد عصافير جنّه
تقطف من الورد المرابيع بالحال = ويكسي جسدها ملبس ٍ ما محنّه
عين ٍ نعيسه والمظاليل مرسال = صابت خفوق ٍ بالحنايا مونّه
الصدر يندف لبسها وسط محتال = لا سجّة اقدامه بريقه حمنّه
لا نطحت اردافه سبق كلّ خيّال = ولا من تقفّت للهوى يعبدنّه
حكيه ينابيع الشهد فيه تنسال = تحتار بين اشفاتها والمغنّه
وصبّوا لنا من صافي الكيف فنجال = فنجال يبري علّة ٍ مستكنّه